Hada waxaa la qorayaa golaha la-talinta Metro ee mutadhawaciinta ah! Codso Gudiga La-talinta Gaadiidka Dadka Naafada ah ee Access ama Gudiga La-talinta Gaadiidka Dadweynaha
Qoraalkan waxaa sidoo kale lagu heli karaa luuqadaha soo socda:
Rakaabkeena ayaa door muhiim ah ku leh adeegyada gaadiidka dadweynaha ay bixiso Metro ee Degmada King. Aragtidaada iyo fikradahaaga waxay naga caawiyaan qaabaynta ikhtiyaarka gaadiidka aad u baahan tahay si aad u gaarto goobta aad rabto.
Gudiga La-talinta Gaadiidka Dadka Naafada ah ee Access (Access Paratransit Advisory Committee, APAC) ee Metro iyo Gudiga La-talinta Gaadiidka Degmada King (King County Transit Advisory Commission, TAC) ayaa hada u qoraya xubno cusub dhowr degmo oo ka tirsan Degmada King. Codso hada mid kamid ah kooxahan la-talinta iskaa wax u qabso ah oo ka caawi hagitaanka siyaasadaha gaadiidka ee Metro!
Wax badan ka ogaw koox kasta oo la-talin ah:
Gudiga La-talinta Adeega Gaadiidka Dadka Naafada ah ee Access (APAC).
APAC waxay kula talisaa Metro ee Degmada King, Fulinta King iyo Maamulka Degmada King arimaha la xiriira adeega gaadiidka dadka naafada ah Access, adeega gaadiidka Metro ee dadka naafada ah kahor istaagto inay raacaan basaska caadiga ah iyo tareenada. Xubnuhu waxay u adeegi karaan ilaa laba xili oo xil kastana waa laba sano.
APAC waxay ka kooban tahay dadka degan Degmada King kuwaas oo ay soo xushaan Maamulka Degmada King oo ay xaqiijiyeen Golaha Degmada King. Xubinimada waxay ka kooban tahay:
- Rakaabka gaadiidka dadka naafada ah ee Access
- Xubnaha qoyska ama daryeel bixiyayaasha rakaab u ah adeega gaadiidka dadka naafada ah ee Access
- Wakiilada hay’adaha bixiya adeegyada ama taageera adeega gaadiidka dadka naafada ah ee Access
APAC waxay shaqaalaynaysaa xubno cusub Degmooyinka Golaha Degmada King ee Degmooyinka 1, 2, 3, 4, iyo 6. Waxaad ka heli kartaa golaha degmada deegaanka aad ku nooshahay khariidadan.
Waxaan ku dhiirigalineynaa dhamaan rakaabka Access, oo ay kamid yihiin dhalinyarada, dadka madawga ah, dadka naafada ah iyo/ama kuwa aqoontooda Ingiriisiga kooban tahay inay codsadaan.
Codkaaga soo gudbi oo ka caawi inay Metro kala taliso barnaamijyada, siyaasadaha ama nidaamyada Access, iyo mashaariicda sida duuliyaha Helitaanka Access On-Demand ee tijaabada ah.
Gudiga La-talinta Gaadiidka Dadweynaha (TAC).
TAC waxay kula talisaa xubnaha shaqaalaha Metro iyo maareeyaha guud, Maamulka Degmada King iyo Golaha Degmada King, maamulaha deegaanka iyo gudiyada gaadiidka ee la xiriira arimaha siyaasada gaadiidka, mashaariicda iyo barnaamijyada. Gudigan wuxuu ka kooban yahay rakaabka gaadiidka dadweynaha taas ka tarjumaya kala duwanaanshaha dadka degan degmada oo ay ku jiraan dadka naafada ah ama waayeelka isticmaala adeegyada ee wado cayiman iyo dadka la shaqeeya rakaabkan.
TAC waxay shaqaalaysiinaysaa xubno cusub ee Golaha Degmada King ee Degmooyinka 1, 3, 6 iyo 7. Waxaad ka heli kartaa golaha degmada deegaanka aad ku nooshahay khariidadan.
Waxaan ku dhiirigalineynaa dhamaan rakaabka, oo ay kamid yihiin dhalinyarada, dadka madawga ah, dadka naafada ah ama kuwa aqoontooda Ingiriisiga kooban tahay inay codsadaan.
Fikrad ka dhiibo oo ka caawi dhinacyada barnaamijyada Metro, mashaariicda, iyo siyaasadaha sida South Link Connections, Qorshaha Gaadiidka ee Waafaqsan Xeerka Dadka Naafada ah ee Maraykanka (Americans with Disabilities Act, ADA) iyo Mustaqbalka Gaadiidka Dadweynaha ee Dadka Naafada ah.
Codso ugu dambayn Maayo 12 (Af-Ingriis keliya).
Waad ku mahadsan tahay tixgelintaada adeega gudiga Metro!